AQSh pen Reseı kóshbasshylarynyń jeke kezdesýi ázirge josparlanbaǵan

MÁSKEÝ. KAZINFORM - Bul týraly Reseı prezıdentiniń baspasóz hatshysy Dmıtrıı Peskov habarlady. Ol eki el kóshbasshylarynyń mundaı kezdesý qajet ekenin túsinetinin atap ótti jáne bul baǵyttaǵy qarym-qatynasty konstrýktıvti dep atady, dep habarlaıdy Kazinform agenttiginiń menshikti tilshisi.

Onyń aıtýynsha, Reseı prezıdenti V.Pýtın men AQSh prezıdenti D.Tramp keshe keshke ótken telefon arqyly sóılesýde jeke kezdesýdi talqylaǵan joq, biraq olar onyń qajet ekenin jáne tıisti deńgeıde daıyndalýy kerek ekenin jaqsy túsinedi. Mundaı daıyndyq aıtarlyqtaı nátıjelerge alyp kelip, al bul nátıjeler joǵarǵy deńgeıde bekitilýi tıis.

Eske salaıyq, 4 maýsym keshkisin Reseı Federatsııasy men Amerıka Qurama Shtattarynyń kóshbasshylary V.Pýtın men D.Tramp telefon arqyly sóılesti.

Tramp áńgime Iranǵa jáne ıadrolyq qarýǵa qatysty máseleni sheshýge ýaqyt azaıyp bara jatqandyǵyna, sheshim tez qabyldanýy kerek ekenine áser etkenin habarlady.

- Men prezıdent Pýtınge Irannyń ıadrolyq qarýy bolmaýy kerek ekenin aıttym jáne meniń oıymsha, bul másele boıynsha bizde ózara túsinistik boldy. Prezıdent Pýtın Iranmen kelissózderge qatysýdy jáne protsesti jyldamdatýǵa kómektesýdi usyndy. Meniń oıymsha, Iran osy óte mańyzdy másele boıynsha sheshim qabyldaýmen aınalysady jáne bizge jaqyn arada naqty jaýap qajet bolady, - dep atap ótti Tramp.