AQSh pen Ortalyq Azııa elderi «Business 5+1» platformasyn iske qosyp jatyr

AQSh, Qazaqstan, Qyrǵyzstan, Tájikstan, Túrikmenstan jáne Ózbekstan «S5+1» yntymaqtastyǵy aıasynda «V5+1» bıznes-platformasyn iske qosýda. Kazinform agenttiginiń tilshisi bul týraly AQSh Memlekettik departamentine silteme jasap habarlaıdy.

Jańa bastama aıasynda óńirlik ekonomıkalyq ıntegratsııa men reformalardy damytý, memlekettik-jekemenshik dıalog, ınnovatsııalar men aımaq elderine sheteldik ınvestıtsııa tartý arqyly ekonomıkalyq qaýipsizdikke basa nazar aýdarylady.

Habarlanǵandaı, jańa bıznes-platforma aıasyndaǵy alǵashqy kezdesý 2024 jyly Almatyda ótedi.

Buǵan deıin Halyqaralyq jeke kásipkerlik ortalyǵy janyndaǵy Esepti ınvestıtsııalar ortalyǵynyń dırektory Erık Hontts Ortalyq Azııa - álemde tabys deńgeıi ortasha, tolyq kapıtaldandyrylmaǵan aımaqtardyń biri ekenin atap ótti.

Osyǵan baılanysty naqty ınfraqurylymǵa ınvestıtsııa tartý, Almaty, Bishkek, Tashkent jáne t.b. sııaqty halyq tyǵyz ornalasqan qalalar arqyly temirjol jáne avtomobıl qatynasy qajet.

“B5+1” bıznes bastamasy - oń qadamdardyń biri, onda Qurama Shtattar aımaqqa ekonomıkalyq ıntegratsııaǵa qol jetkizýge kómektesýde jetekshi ról atqara alady.

Bıylǵy jyldyń qyrkúıeginde Nıý-Iorktegi BUU Bas Assambleıasynyń 78-shi sessııasynda ótken “S5+1” Sammıti barysynda AQSh prezıdenti Djo Baıden ekonomıkalyq yntymaqtastyq salasynda “S5+1” sheńberinde jańa bıznes-platformanyń qurylǵanyn málimdedi.