AQSh pen Ońtústik Koreıa eń iri oqý-jattyǵýlaryn bastaıdy
ASTANA. QazAqparat - Koreıa Respýblıkasy men AQSh-tyń Qarýly kúshteri búgin tańerteń Ońtústik Koreıada Vigilant Ace («Qyraǵy sheber») birlesken oqý-jattyǵýyn bastady, dep jazady TASS.
8 jeltoqsanǵa deıin jalǵasatyn oqý-jattyǵýǵa qatysý úshin bul elge F-22 Raptor alty joıǵyshy jáne F-35A kózge asa kórinbeıtin alty bombalaýshy-joıǵyshy jetkizildi. Manevrler KHDR-diń 29 qarasha kúni «Hvason-15» qurlyqaralyq ballıstıkalyq zymyranyn ushyrýmen baılanysty Koreıa túbegindegi shıelenisterdiń jańa kórinisi aıasynda ótpek.
Aýqymdy oqý-jattyǵýǵa AQSh pen Ońtústik Koreıa qarýly kúshteriniń 12 myń áskerı qyzmetshisi men 230-dan astam ushaǵy qatysady.
Yonhap agenttiginiń atap ótýinshe, bul AQSh-tyń Ońtústik Koreıaǵa alty birdeı Raptor joıǵyshyn jiberip otyrǵan alǵashqy oqý-jattyǵýy jáne bul «eki odaqtas eldiń KHDR-ǵa qysym jasaý nıetimen kúshterin kórsetý» bolýy múmkin.
Ońtústik Koreıa tarapynan jattyǵýǵa F-15K, KF-16, F-5 ushaqtary jáne ózge áskerı mashınalar qatysady.
