AQSh pen Qytaıda aýa temperatýrasy 50 gradýstan asty
Sınoptıkter temperatýra aptanyń ortasyna deıin kóteriledi dep sanaıdy.
Boljamǵa sáıkes, sársenbige qaraı Italııadaǵy Sardınııa aralynyń ońtústiginde aýanyń temperatýrasy 46°C bolady, al qurlyqtyq Italııanyń ońtústiginde eń joǵary temperatýra - 43°C.
Sońǵy boljamǵa sáıkes, Ispanııanyń ońtústiginde maksımaldy temperatýra 46°C, al Frantsııanyń ońtústiginde - 40°C jetedi.
AQSh-tyń ońtústik-batysynda da aptap ystyq bolady. Meteorologtar 38 qalada temperatýra rekordy jańarýy múmkin dep eskertti.
Ulttyq meteorologııa qyzmetiniń málimetinshe, jeksenbide Las-Vegasta (Nevada shtaty) temperatýra 46,6°C-qa jetti.
Arızona shtatynyń Fenıks qalasynda aýa temperatýrasynyń rekordtyq 47,2°C deıin kóteriletini boljanyp otyr.
Jeksenbide eń joǵary temperatýra Kalıfornııadaǵy Ólim alqabynda tirkelgen. Ǵalamshardaǵy eń jyly jerlerdiń birinde 53,9°C ystyq boldy.
Mamandar jylý tolqynynyń basty problemasy kúndizgi aýa temperatýrasynyń joǵarylaýynda emes, túnde jetkilikti túrde tómendemeıtininde dep sanaıdy.
Jaqyn arada, Arızonadaǵy túngi temperatýra 32°C-tan tómendemeıdi dep boljanyp otyr.
Brıtandyq meteorologııalyq ortalyqtyń málimetinshe, jeksenbide Qytaıda el tarıhyndaǵy eń joǵary temperatýra tirkeldi - Shyńjań provıntsııasynda termometr baǵanasy 52,2°C deıin kóterildi.
Ońtústik Koreıada aýa raıynyń kúrt ózgerýinen nóser jaýyn jaýyp, kóshkin men sý tasqynyna ulasty, al Japonııada kem degende 60 adamǵa ystyq ótti.
Japon araldaryndaǵy rekordtyq temperatýra (41,1°C) 2018 jyly Kýmagaıa qalasynda tirkelgen. Bıylǵy jazda aldyńǵy rekord jańarýy ábden múmkin.
BUU-nyń mamandandyrylǵan bólimshesi - Dúnıejúzilik meteorologııalyq uıym Jerorta teńizi aımaǵynda qalyptasqan jylý aǵymdaǵy aptanyń ortasyna qaraı kúsheıip, tamyz aıynda jalǵasatynyn eskertti.
Kelesi aptada Marokkoda temperatýra 49°C deıin kóterilýi múmkin.
