AQSh pen Qytaı saýda soǵysyn álsiretýge baǵyttalǵan kelisimge qol qoıdy

VAShINGTON. QazAqparat - AQSh pen Qytaı álemdik naryqqa qatty áser etip, álemdik ekonomıkaǵa keri áserin tıgizgen saýda soǵysyn álsiretý týraly kelisimge qol qoıdy, dep habarlaıdy QazAqparat VVS-ge silteme jasap.

Vashıngtonda ótken kezdesýde AQSh prezıdenti Donald Tramp bul kelisim AQSh ekonomıkasyna oń yqpal etetinin málimdedi. Al Qytaı tarapy bul kelisim eki memleket úshin de utymdy ekenin jáne eki el arasyndaǵy qarym-qatynasqa oń yqpal etetinin aıtty.

Kelisim boıynsha Qytaı AQSh ımportyn 200 mlrd dollarǵa jetkizip, ıntellektýaldy menshik erejesin kúsheıtedi. Al AQSh Qytaı taýaryna engizilgen jańa tarıfterdi eki ese qysqartady.

Aıta ketý kerek, AQSh pen Qytaı 2018 jyldan beri tarıftik soǵys júrgizip keledi. Sonyń negizinde ımportqa qosymsha salyqtar engizilgen edi. Bul saýda soǵysy jahandyq ekonomıkalyq ósimdi tómendetip, ınvestorlarǵa keri áser etti.