AQSh pen Kýba 50 jyldan keıin qaıta dıplomatııalyq qarym-qatynastaryn qalpyna keltirýde
ASTANA. QazAqparat - Kýbada bes jyl buryn 15 jylǵa sottalǵan AQSh azamaty Alan Gross túrmeden shyǵaryldy, dep habarlaıdy habar.kz.
Ony spýtnıktik jabdyqtardy zańsyz tasymaldady degen aıyppen qamaýǵa alǵan bolatyn.
Kýba men Amerıka Qurama Shtattary arasyndaǵy dıalog úshin osy jaǵdaı negizgi kedergilerdiń biri bolyp keldi. Sonymen qosa, Vashıngton Gavanada jaqyn arada AQSh elshiligi ashylýy múmkin ekenin habarlaıdy. Al Florıdada tyńshylyq úshin tutqyndalǵan úsh kýbalyq abaqtydan bosatyldy.
Sondaı-aq, AQSh jáne Kýba arasyndaǵy bank jáne saýda qarym-qatynastary da qalypqa kelýi múmkin. Jaqyn arada Kýbadaǵy memlekettik keńestiń tóraǵasy Raýl Kastro Gavana men Vashıngtonnyń ózara qarym-qatynasy týraly resmı málimdeme jasaıdy dep kútilýde.
Aıta keteıik, eki el 1961 jyldan beri 50 jyldan astam ýaqyt qarym-qatynas jasaspaǵan.
