AQSh pen Koreıa ÁÁK KHDR-daǵy zymyran synaǵyna jaýap retinde áskerı jattyǵý ótkizdi
ASTANA. QazAqparat - AQSh jáne Koreıa ÁÁK Gýam aralyndaǵy amerıkalyq eki strategııalyq bombalaýshy B-1B Lancer ushaǵynyń qatysýymen birlesken oqý-jattyǵý ótkizdi, dep habarlady Yonhap agenttigine silteme jasap TASS.
Jattyǵý Koreıa Respýblıkasynyń ońtústik-batysynda Kanvondo provıntsııasyndaǵy polıgonda ótti. Onda koreılik joıǵysh F-15K jáne F-16 ushaqtary da jumyldyryldy. Manevr stsenarııi boıynsha ushqyshtar KHDR-daǵy negizgi nysandarǵa soqqy jasady. Koreıa Respýblıkasy ÁÁK qolbasshylyǵy jattyǵý Phenıandaǵy zymyran synaǵyna jaýap ekenin atap ótti.
Seısenbide KHDR Ortalyq televıdenıesi «Hvason-14» qurlyqaralyq ballıstıkalyq zymyrandy alǵash ret sátti ushyrǵanyn habarlaǵan. Sársenbide BUU Qaýipsizdik keńesi Koreı jarty aralyndaǵy jaǵdaı boıynsha shuǵyl otyrys ótkizdi. Onda AQSh-tyń turaqty ókili Nıkkı Heılı Phenıanǵa áskerı kúsh qoldanatynyn aıtyp ses kórsetken, sondaı-aq elge qarsy qatań sanktsııa, qarar daıyndap jatqanyn habarlaǵan.
