AQSh pen Qytaıdyń saýda teketiresi Ózbekstanǵa teris áser etýi yqtımal

TAShKENT. KAZINFORM – AQSh pen Qytaıdyń saýda salasyndaǵy shıelenisi Ózbekstannyń syrtqy taýar aınalymyna teris áser etýi múmkin, dep habarlaıdy Kazinform agenttiginiń menshikti tilshisi.

Bul týraly BAQ ókilderiniń qatysýymen ótken baspasóz máslıhaty barysynda ÓR Ortalyq bankiniń Valıýtalyq retteý jáne tólem balansy departamentiniń dırektory Otabek Tojıddınov málim etti.

Spıker atap ótkendeı, saýda salasyndaǵy teketirestiń saldary Ózbekstandy da aınalyp ótpeıdi. Óıtkeni, resmı Beıjiń Tashkenttiń negizgi syrtqy saýda seriktesi sanalady. Bul rette Qytaı tarapy ımportty azaıtyp, eksportty ulǵaıtýy múmkin.

Otabek Tojıddınov AQSh pen QHR arasyndaǵy saýda shıelenisi Donald Tramptyń alash ret prezıdent bolyp saılanǵan kezeńinde de bolǵanyn atap ótti. 2018 jyly resmı Vashıngton Qytaıda óndiriletin alıýmınıı men bolatqa qymbat tarıf belgiledi, tıisinshe Beıjiń amerıkalyq taýarlarǵa baj salyǵyn engizdi.

- 2019 jyly Ózbekstannyń Qytaıǵa eksporty 22%-ǵa qysqaryp, ımport 34%-ǵa ósti. ıAǵnı, Qytaı AQSh-qa eksportty azaıtsa, onda bul el ózge naryqtardy izdeı bastaıdy, olardyń biri, árıne Ózbekstan. Munyń saldarynan saýda balansyndaǵy tapshylyq artýy bolýy múmkin, - dedi Otabek Tojıddınov.

Onyń sózinshe, Ózbekstan men Ortalyq Azııa elderine qytaılyq taýarlardyń kóp kólemde eksporttalýy kólik-logıstıkalyq qyzmetterge suranystty arttyrady. Bul óz kezeginde saýda balansyndaǵy tapshylyqtyń bir bóligin jabýǵa yqpal etedi.

Ortalyq banktiń ókili AQSh pen Qytaı arasyndaǵy saýda teketiresiniń yqtımal saldaryna tolyq taldaý jasalmaǵanyn aıtty. Onyń áseri kem degende 3 aıdan keıin aıqyn kórine bastaıdy.

Eske salaıyq Ózbekstanda $38,9 mlrd memlekettik organdardyń baqylaýynan tys qalyp otyr.

Sonymen qatar, Ózbekstannyń altyn valıýta rezervteri qańtarda rekordtyq deńgeıge óskenin jazyp edik.

Buǵan deıin habarlaǵanymyzdaı, resmı Tashkent jeńil kóliktiń 80 paıyzyn Qytaıdan ımporttap jatyr.