AQSh pen Qytaı saýda kelisimine 3-4 aptada qol jetkize alady

ASTANA. KAZINFORM – Prezıdent Donald Tramp beısenbide AQSh elden ımporttalatyn taýarlarǵa baj salyǵyn engizgennen keıin Qytaı kelissózderge kiriskenin aıtty, dep habarlaıdy Kazinform tilshisi.

AQSh prezıdenti Aq úıde «Biz Qytaımen kelissózder júrgizip jatyrmyz, olar birneshe ret baılanysqa shyqty» dep kelissózderdiń qaıta bastalǵanyn málimdedi. Ol sózin: «Kelisimge shamamen 3-4 aptada qol jetkizýge bolady», - dep jalǵady. Bul týraly Bloomingbit jazdy. 

– Tramp Qytaımen saýda máselesi sheshilgenshe TikTok kelisimin keıinge qaldyratynyn aıtty. AQSh-tyń qytaılyq taýarlarǵa baj salyǵy kóterilmeýi, tipti tómendeýi múmkin, - dep habarlady The Economic Times. 

AQSh prezıdenti Beıjińmen kelissózderge optımıstik kózqaraspen qarap, «Qytaımen óte jaqsy mámile jasaımyz» dedi. Kúni keshe Tramp kelissózderdi taǵy da joǵary baǵalap, Qytaıǵa tarıfterdi kóterýdi jalǵastyrǵysy kelmeıtinin, tipti tutynýshylyq shyǵyndardy qorǵaý úshin olardy tómendetýdi qalaýy múmkin ekenin jetkizdi. Bul týraly Yahoo Finance jazdy. 

Buǵan deıin Qytaı AQSh taýarlaryna baj salyǵyn 125 paıyzǵa deıin kótergenin habarlaǵan bolatynbyz.