AQSh pen Qytaı saýda kelisimderin 2027 jylǵa deıin uzartty
ASTANA. KAZINFORM — AQSh pen Qytaı saýda-ekonomıkalyq qatynastardaǵy shıelenisti azaıtýǵa baǵyttalǵan kelisimderdiń qoldanysyn 2027 jylǵy 10 qańtarǵa deıin uzartýǵa kelisti.
Report agenttiginiń málimetinshe, bul týraly AQSh Qarjy mınıstri Skott Bessent Fox News telearnasyna bergen suhbatynda málimdegen.
— Búgin Pýsanda jasalǵan, eki el arasyndaǵy ekonomıkalyq shıelenisti báseńdetýge baǵyttalǵan kelisimniń merzimin uzartý týraly ýaǵdalastyqqa keldik. Onyń qoldanysy 10 qarashada aıaqtalýy tıis edi. Endi ol 10 qańtarǵa deıin uzartyldy. Bul bizge ekonomıka salasynda qandaı qadamdar jasaýǵa bolatynyn anyqtaý úshin kóbirek ýaqyt beredi, — dedi Bessent.
Aıta keteıik, BUU Bas Assambleıasy aıasynda Iran men AQSh arasynda Qatardyń araaǵaıyndyǵymen kelissózderdiń kezekti kezeńi ótti. Kelissóz shamamen eki saǵatqa sozyldy.
