AQSh pen Qytaı maýsymda memleket basshylarynyń qatysýymen ótetin sammıtti talqylady

ASTANA. KAZINFORM — Vashıngton men Beıjiń arasynda prezıdent Donald Tramp pen Qytaı basshysy Sı Tszınpınniń qatysýymen maýsym aıynda AQSh-ta ótýi múmkin «týǵan kún sammıtin» aldyn ala talqylaý bastaldy, dep habarlaıdy Investing. 

Ýaqyt kezdeısoq tańdalǵan joq, óıtkeni eki basshynyń da týǵan kúni maýsym aıynda bolady. Sı Tszınpın 1953 jyly 15 maýsymda, al Donald Tramp 1946 jylǵy 14 maýsymda dúnıege kelgen.

Osy kezeńde áli eshteńe rastalǵan joq, dep habarlaıdy Wall Street Journal. Aq úı de, AQSh-taǵy Qytaı elshiligi de jaǵdaıǵa qatysty pikir bildirgen joq.

Ekonomıkalyq qysymnyń kúsheıýine baılanysty taraptar tarıfterdiń odan ári kóterilýine jol bermeý nemese kem degende bajdy arttyrýdy keshiktirý úshin kelissózder júrgizýge umtylyp jatyr. 

Buǵan deıin Donald Tramp Qytaı taýarlaryna baj salyǵyn 20 paıyzǵa deıin kótergenin jazǵan bolatynbyz. 

Ótken aptada Tramptyń Kanadadan, Meksıkadan, Qytaıdan ımporttalatyn jańa tarıfteri kúshine endi. 

Qytaı Syrtqy ister mınıstri AQSh-ty tarıfter men saýda soǵysy saıasatyn qaıta qaraýǵa shaqyrdy.