AQSh pen Qytaı áskerı sheshimderdi jasandy ıntellektige senip tapsyrmaýǵa kelisti
ASTANA. KAZINFORM — AQSh prezıdenti Donald Tramp pen Qytaı tóraǵasy Sı Tszınpın jasandy ıntellektiniń áskerı operatsııalarǵa qatysty sheshimderdi óz betinshe qabyldaýyna jol bermeý jóninde ýaǵdalasty. Bul týraly AQSh Qarjy mınıstri Skott Bessent CNBC telearnasyna bergen suhbatynda málimdedi, dep jazdy Report.
— Tramp pen Sı Tszınpın jasandy ıntellekt qoldanylatyn áskerı sheshimderdiń barlyǵyn qabyldaý kezinde adam mindetti túrde qatysýy kerek degen ortaq ustanymǵa keldi. Sondaı-aq jasandy ıntellektiniń iri áskerı operatsııalardy óz betinshe júzege asyrýyna jol berilmeýge tıis, — dedi Skott Bessent.
Onyń aıtýynsha, AQSh pen Qytaı basshylary kelissóz barysynda ıadrolyq qarýdyń taralýyna jol bermeý sharalaryn da jan-jaqty talqylaǵan.
Budan bólek, taraptar saýda saıasaty men jasandy ıntellekt tehnologııalaryn damytý máselelerin de qarastyrǵan.
Redaktsııalyq usynys: Taqyryptaǵy «shekteýge kelisti» degennen góri «Áskerı sheshimderdi jasandy ıntellektiniń óz betinshe qabyldaýyna jol bermeýge kelisti» degen nusqa jańalyqtyń negizgi mánin dálirek ashady.
Aıta keteıik, jaqynda tarıhta alǵash ret Qytaı, Reseı jáne AQSh kóshbasshylarynyń kezdesýi ótti.