AQSh-pen kelisim: Kıev «AES-siz» jer qoınaýy týraly kelisimge qol qoıýǵa daıyn ekenin málimdedi

ASTANA. KAZINFORM – Bul týraly Vladımır Zelenskıı keńsesiniń keńesshisi Sergeı Leşenko málimdedi, dep habarlaıdy TASS.

Ýkraına mıneraldy resýrstarǵa qatysty kelisimniń aqpan aıynyń sońynda daıyndalǵan nusqasyna AES-ke qatysty jańa tolyqtyrýlarsyz ǵana qol qoıa alady. Bul týraly Vladımır Zelenskıı keńsesiniń keńesshisi Sergeı Leşenko habarlady.

– Biz kelisimdi keńeıtýge degen umtylysty kórdik. Ázirge keńeıtilgen nusqasy kelgen joq, mınıstrler kabınetinen ótken nusqasy ǵana bar. Ol qol qoıýǵa daıyn. Bul Aq úıge qol qoıýǵa barǵan nusqa. Basqa nusqalar joq, – dedi ol «Rada» telearnasynda.

– Eger basqa nusqa bolsa, ony mınıstrler kabınetine jiberip, daýys berip, keıin qol qoıýǵa daıyn bolýy kerek, – dep qosty ol.

«Kelisimshartty qalaı keńeıtý usynylyp otyr?» degen suraqqa jaýap bergen Leşenko AQSh-tyń Ýkraına atom elektr stantsııalaryn baqylaýǵa qatysty málimdemelerine toqtaldy.

– Qazirgi ýaqytta bul kelisimshartta joq, – dep qosty ol.

Aıta keteıik, Er-Rııadtaǵy AQSh - Reseı kelissózi aıaqtaldy.

Reseımen kelissózdi aıaqtaǵan AQSh Ýkraınamen talqylaý ótkizip jatyr.