Qazaqstan AQSh-pen birlesip elde halyqaralyq klınıka salýdy josparlap otyr
VAShINGTON. KAZINFORM — Memleket basshysy Ashmore Group kompanııasynyń bas dırektory Mark Kýmbsty qabyldady, dep habarlaıdy Aqordanyń baspasóz qyzmeti.
Qasym-Jomart Toqaev pen Ashmore Group halyqaralyq ınvestıtsııalyq kompanııasynyń basshysy Mark Kýmbs ózara tıimdi birlesken jobalardy iske asyrý máselelerin talqylady.
Prezıdentke Ashmore Healthcare International kompanııasy men «Samuryq-Qazyna Invest» JShS-iniń birlesip, Qazaqstanda halyqaralyq klınıka salý jospary jóninde málimet berildi. Bul bastamaǵa álemdik deńgeıdegi medıtsına operatory – Mount Sinai Health System kompanııasyn tartý kózdelgen. Memleket basshysy Úkimettiń atalǵan mańyzdy jobaǵa jan-jaqty qoldaý kórsetýge daıyn ekenin aıtty.
Mark Kýmbs Qazaqstan ekonomıkasynyń strategııalyq sektorlarynda yntymaqtastyq ornatý úshin zor áleýet bar ekenine nazar aýdardy.
Sonymen qatar, ekonomıkanyń basymdyqqa ıe jáne joǵary tehnologııaly salalaryn damytýǵa baǵyttalǵan Ashyq ınvestıtsııalyq seriktestik baǵdarlamasy aıasyndaǵy yqpaldastyq perspektıvasy jaıynda pikirimen bólisti.
Budan buryn Prezıdent U.S. International Development Finance korporatsııasynyń (DFC) atqarýshy dırektory Ben Blekti qabyldaǵanyn jazǵan edik.