AQSh pen Kaspıı elderi arasynda dıplomatııalyq qatynas ornaǵanyna 30 jyl toldy
2022 jylǵy 1 aqpanda AQSh pen Kaspıı óńiri elderi arasyndaǵy dıplomatııalyq qarym-qatynastyń ornaǵanyna 30 jyl tolýyn merekeleý aıasynda Caspian Policy Center vashıngtondyq saraptamalyq ortalyǵynda uıymdastyrylǵan vebınarǵa QR Prezıdenti Ákimshiligi Basshysynyń orynbasary – Prezıdenttiń halyqaralyq yntymaqtastyq jónindegi arnaýly ókili Erjan Qazyhan qatysty.
Іs-sharaǵa AQSh Memlekettik hatshysynyń Ońtústik jáne Ortalyq Azııa isteri jónindegi kómekshisi Donald Lý jáne Eýropa men Eýrazııa jónindegi kómekshisi Karen Donfraıd, sondaı-aq Ázirbaıjan, Armenııa, Grýzııa, Qyrǵyzstan, Tájikstan, Túrkimenstan jáne Ózbekstannyń joǵary ókilderi qatysty. AQSh-tyń Qazaqstan Respýblıkasyndaǵy burynǵy Elshisi Rıchard Hoýgland moderator rólin atqardy.
QR Prezıdentiniń Arnaýly ókili E.Qazyhan aımaq elderiniń AQSh-pen ózara is-qımylyn nyǵaıtýdyń aıtarlyqtaı áleýetin atap ótip: «Biz AQSh-pen birqatar negizgi basymdyqtar boıynsha praktıkalyq turǵyda ózara-árekettesýge kóptegen múmkindikterdi kórip otyrmyz, onyń ishinde lańkestikpen jáne qaýipsizdiktiń basqa syn-qaterlerimen, klımattyń ózgerýimen kúresý, tranzıttik-kólik júıesin ártaraptandyrý, áıelderdiń ekonomıkalyq múmkindikterin keńeıtý jáne t.b.», dep aıtty.
Qazaqstanda qańtarda oryn alǵan oqıǵalardyń sheńberinde E.Qazyhan Memleket basshysynyń saıası, ekonomıkalyq jáne ınstıtýtsıonaldyq jańǵyrtýdy jalǵastyrýǵa degen berik ustanymyn erekshe atap ótti. «Jaqyn arada jańa mınıstrler kabıneti 2022 jylǵa arnalǵan Іs-sharalar josparyn usynady. Jańa ekonomıkalyq saıasat Jańa Qazaqstannyń negizi bolady», - dep túıindedi.
D.Lýdyń sóılegen sózinde de Qazaqstanda bolǵan oqıǵalarǵa erekshe nazar aýdaryldy. Ol QR basshylyǵynyń aldaǵy saıası jáne ekonomıkalyq qaıta qurýlar baǵytyn jalǵastyratynyna senim bildirdi.
«Batystyń mindeti – aqyl aıtý emes, Qazaqstandy qoldaý jáne eldiń ózine qańtar aıynda týyndaǵan adam quqyǵy máselesin sheshýge múmkindik berý jáne mundaı jaǵdaıdyń bolashaqta boldyrmaýy úshin qajetti áleýmettik, saıası jáne ekonomıkalyq reformalardy ári qaraı júzege asyrý», - dedi D.Lý.
Jalpy, vebınarǵa qatysýshylar saıası, ekonomıkalyq jáne mádenı-gýmanıtarlyq dıalogty odan ári damytý maqsatynda aımaq elderi men AQSh arasyndaǵy yntymaqtastyqtyń mańyzdylyǵyn atap ótti.
