AQSh pen Izraıldiń Iranǵa jasaǵan soqqysynan keıin munaı naryǵynda ne bolmaq
ASTANA.KAZINFORM — AQSh pen Izraıldiń Iranǵa qarsy júrgizgen aýqymdy áskerı operatsııasynan keıin jahandyq energetıkalyq naryqtar munaı baǵasynyń kúrt aýytqýyna daıyndalyp otyr, dep habarlaıdy Kazinform.
Sońǵy aptalarda Taıaý Shyǵystaǵy geosaıası jaǵdaıdyń shıelenisýiniń kúsheıýine baılanysty munaı baǵasy ósý tendentsııasyn kórsetti.
Sońǵy aıda eki negizgi etalon turaqty ósim kórsetken: Brent shamamen 7–11%-ǵa qymbattap, al WTI 5–10%-ǵa ósken. Bul naryqtaǵy qatysýshylardyń qaqtyǵystyń odan ári taralýy múmkindigine baılanysty alańdaýshylyǵyn kórsetedi.
Sarapshylardyń boljaýynsha, kelesi aptanyń basynda saýda ashylǵanda munaı baǵasy kúrt sekirýi múmkin, sebebi baǵaǵa «áskerı syıaqy» engizilgen.
Qosymsha qysym Ormýz shyǵanaǵy arqyly jetkizilimniń belgisizdigimen baılanysty, bul marshrýt álemdik munaı eksportynyń eleýli bóligin qamtamasyz etedi.
Investorlar dıplomatııalyq daǵdarysty shıelenistiń ósý belgisi dep qabyldady, bul áskerı qaqtyǵys bastalǵanǵa deıin munaı fıýchersterine suranysty arttyrdy.
Eske salaıyq, Izraıl Iranǵa soqqy jasaǵan. Keıin AQSh prezıdenti Donald Tramp Iranǵa qarsy aýqymdy áskerı operatsııanyń bastalǵanyn jarııalaǵan.
