AQSh pen Izraıldiń Iranǵa qarsy soǵysy qandaı pikirlerdi joqqa shyǵardy
ASTANA. KAZINFORM – Bul qaqtyǵysta áskerı salaǵa qatysty birneshe ustanym talqandaldy. Bul jónindegi oıyn jýrnalıst, áskerı sarapshy Amangeldi Qurmetuly BIZDIÑ ORTA podkastynda aıtty.
– Iraktaǵy soǵysta da, ıÝgoslavııada da avıatsııa sheshýshi ról atqarady degen kózqaras qalyptasty. AQSh bul salada óte myqty. Teorııa boıynsha, jerdegi zenıttik zymyran keshenderi avıatsııa basym bolǵanda, qarsylyq tanyta almaýy tıis edi. Iranda bul kózqaras shaıqaldy. Avıatsııamen másele sheshilmeıdi. Báribir sonaý orta ǵasyrlardan beri kele jatqan, Ekinshi dúnıejúzilik soǵystan beri kele jatqan ustanym boıynsha, jaıaý áskersiz eshteńe sheshilmeıdi. Sol baıqaldy, – dedi ol.
Sonymen qatar, áskerı tehnıkaǵa qatysty jarnamanyń tym ásirelenetini belgili boldy.
– AQSh-tyń «Patrıot», Izraıldiń «Temir kúmbez» tárizdi júıeleri minsiz dep esepteldi. Biraq óte kóp zymyran atylsa, ne óte kóp dron ushyrylatyn bolsa, olardyń da qorǵanys qabileti tómendeıtini kórindi. Ońtústik Koreıa ónimderiniń «Patrıot» keshenderinen góri anaǵurlym tıimdi bolyp shyqqan sebebi de – osy. Qalaı bolǵanda da, Ońtústik Koreıa keshenderi zamanaýı, sońǵy erekshelikter eskerilip jasalǵan. Al «Patrıot» 1980 jyldardan beri qoldanylyp kele jatyr. Tek olardyń zymyrandary jetildiriledi, – deıdi sarapshy.
Aıta keteıik, buǵan deıin Irandaǵy soǵys Qazaqstannyń astyq eksportyna qalaı áser etip jatqanyn jazǵanbyz.
