AQSh pen Izraıl Tegeranǵa shabýyl bastaǵaly 460 adam qaza tapty
ASTANA. KAZINFORM — AQSh pen Izraıldiń Iran astanasy Tegeranǵa jasaǵan shabýyldarynyń saldarynan qazirgi sátte 460 adam qaza taýyp, 4 309 adam jaraqat aldy, dep habarlaıdy Anadoly.
Iran memlekettik telearnasynyń habarlaýynsha, Tegeran qalasynyń jedel medıtsınalyq kómek departamentiniń orynbasary Mehr Sýrýsh qalaǵa jasalǵan shabýyldardan bolǵan adam shyǵyndaryn jarııa etti.
Irandyq sheneýniktiń málimdeýinshe, shabýyldar saldarynan 460 adam ajal qushyp, 4 309 adam jaralanǵan.
Sonymen qatar, adam shyǵynynan bólek shabýyldardan 18 jedel járdem kóligi men 18 jedel medıtsınalyq qyzmet ortalyǵy zaqymdanǵan.
28 aqpannan bastap, AQSh pen Izraıldiń shabýyldary bastalǵannan beri Tegeran qalasy áýe soqqylarynyń nysanyna aınaldy.
Irandaǵy 6668 azamattyq nysan AQSh pen Izraıldiń shabýylyna ushyraǵany anyqtaldy.
Osyǵan deıin Iran zymyran soqqylarynyń sany men qýatyn arttyratynyn habarlady.
Óz kezeginde AQSh Irannyń ýranyn basyp alý úshin arnaıy operatsııa júrgizýdi qarastyryp jatqany belgili boldy.
