AQSh pen Izraıl shabýyldary saldarynan Ilam provıntsııasynda 60 adam qaza tapty
ASTANA. KAZINFORM – Iran bıligi AQSh pen Izraıldiń shabýyldary bastalǵaly beri Ilam provıntsııasy aýmaǵynda 60 adamnyń qaza tapqanyn málimdedi. Bul týraly Tasnim aqparat agenttigi habarlady.
Jartylaı resmı Tasnim aqparat agenttiginiń deregine sáıkes, Ilam provıntsııasynyń gýbernatory Ahmed Keremı óńirge jasalǵan shabýyldar týraly málimdeme jasaǵan.
Keremıdiń aıtýynsha, Ilamda 93 nysan shabýylǵa ushyrap, onyń 61-i zaqymdanǵan.
– Bul shabýyldar saldarynan 60 otandasymyz qaza tapty. Olardyń arasynda alty aılyq sábı, kórnekti ǵalym, polıtsııa qyzmetkerleri men shekarashylar bar, — dedi ol.
Eske sala ketsek, keshe Izraıl IRSK «bas nasıhatshysynyń» qaza tapqanyn rastady.
Al on eki arab jáne ıslam elderi Irandy shabýyldardy toqtatýǵa shaqyrdy.
