AQSh pen Izraıl Irannyń Keshm aralyndaǵy keme qonatyn alańǵa soqqy jasady
ASTANA. KAZINFORM — AQSh pen Izraıl Ormýz buǵazynyń mańyndaǵy Keshm aralynda Irannyń keme qonatyn alańyna soqqy jasady, dep Fars News Agency agenttigine silteme jasap, Anadoly agenttigi habarlady.
Agenttiktiń málimetinshe, Hormozgan provıntsııasynyń gýbernatorynyń orynbasary Ahmed Nefısı AQSh pen Izraıl Behmen keme qonatyn alańyna shabýyl jasaǵanyn aıtty.
Onyń sózinshe, shabýyl saldarynan adam shyǵyny men jaraqat alǵandar bolǵan joq. Alǵashqy baǵalaýdan keıin jaǵdaı turaqtalǵan, keme qonatyn alańnyń jumysy qaıta jandanyp, óńirdegi ahýal tolyq baqylaýǵa alynǵan.
Nefısı AQSh pen Izraıl Keshm aralyndaǵy tuşy sý alý qurylǵysyna shabýyl jasaǵan degen habarlardy joqqa shyǵardy.
— Soǵystyń alǵashqy kúnderinde tuşy sý alý nysandaryna jasalǵan shabýyldan keıin jańa shabýyl tirkelgen joq, — dedi ol.
Eske sala keteıik, buǵan deıin Tegeran Ormýz buǵazy arqyly ótetin kemelerge baj salyǵy men shekteýler engizgen bolatyn.
