AQSh pen Izraıl Iranǵa jasalyp jatqan shabýylǵa qatysty konsensýsqa jaqyndady
ASTANA.KAZINFORM – AQSh pen Izraıl Bınıamın Netanıahý men Djo Baıdenniń sársenbi kúngi telefon arqyly sóılesýinen keıin Taıaý Shyǵystaǵy strategııalyq máselelerge qatysty ortaq pikirge keldi. Bul týraly The Times of Israel ınternet basylymyna jaǵdaımen tanys ızraıldik derekkóz habarlady.
Izraıldiń Iranǵa qarsy áreket etý jospary talqylanǵan telefon arqyly sóılesý - AQSh pen Izraıl sheneýnikteri arasyndaǵy kelissózderdiń sharyqtaý shegi boldy, ol Tegerannyń 1 qazandaǵy ballıstıkalyq zymyran shabýylynan beri jalǵasyp keledi, deıdi basylym.
Alaıda Aqúı Baıden men Netanıahýdyń telefon arqyly sólesýi týraly baıandamasynda Izraıldiń soqqy berý múmkindigi talqylanǵan-talqylanbaǵanyn aıtpady. Sondaı-aq Baıdenniń Izraıldiń qaýipsizdigine berik ustanymyn rastaı otyryp, «1 qazandaǵy Irannyń Izraılge shabýylyn aıyptady» deýmen shekteldi.
Derekkóz bul kelissózderdiń aldaǵy kúnderi jalǵasatynyn jáne Izraıl qorǵanys mınıstri Ioav Gallanttyń kelesi aptada Pentagonda AQSh qorǵanys mınıstri Lloıd Ostınmen kezdesýi josparlanǵanyn aıtty.
Osy aptada Izraıl premer-mınıstri Bınıamın Netanıahý Gallanttyń Vashıngtonǵa josparlaǵan saparyn sońǵy sátte toqtatyp, aldymen Baıdenmen Izraıldiń Iranǵa qarsy qandaı áreket jasaıtyny týraly sóılesýin talap etti.
Axios keltirgen amerıkalyq sheneýniktiń aıtýynsha, Baıden men Netanıahý áńgime barysynda «Izraıldiń Iranǵa josparlaǵan jaýap soqqysynyń aýqymyn túsinýge jaqyndady». Sonymen birge, basylym silteme jasaǵan ızraıldik sheneýnik AQSh Izraıldiń josparlaryn áli de tym agressıvti dep sanaıtynyn aıtty.
