AQSh pen Izraıl Irandaǵy «Býsher» AES aýmaǵyna taǵy soqqy jasady

ASTANA. KAZINFORM — 24 naýryz seısenbi kúni keshke Irannyń «Býsher» atom elektr stantsııasy mańynda AQSh pen Izraıl tarapynan jańa soqqy jasalǵany habarlandy, dep jazady Anadolu.

Irannyń Atom energııasy uıymyna silteme jasaǵan memlekettik aqparat agenttiginiń málimetinshe, snarıad AES ornalasqan Býsher qalasy aýmaǵyna jetken.

Alǵashqy habarlarǵa qaraǵanda, eshkim zardap shekken joq jáne atom obektisiniń barlyq bólimderine zaqym kelmegen.

Bul sońǵy kúnderde atom obektisiniń mańyndaǵy ekinshi shabýyl bolyp otyr. Uqsas shabýyl 17 naýryzda da tirkelgen, biraq eshqandaı zaqym keltirmegen jáne qurbandar bolmaǵan.

Odan buryn Irannyń Islam revolıýtsııasy qorǵaýshylary korpýsy (KSIR) Izraıldiń munaı óńdeý zaýyttaryna jáne AQSh Áskerı-teńiz kúshteriniń Besinshi flotyna shabýyl jasaǵan bolatyn.

Sonymen qatar, EO Taıaý Shyǵystaǵy energetıkalyq nysandarǵa shabýyldardy toqtatýdy talap etkenin jazǵan edik.