AQSh pen Irannyń Rımdegi kelissózi qalaı aıaqtaldy
ASTANA. KAZINFORM – Kelissózge qatysýshylar kezdesýdiń jumys sıpatyn atap ótip, daýly máselelerdi odan ári talqylaýǵa daıyn ekenin jetkizdi, dep habarlaıdy Kazinform agenttiginiń menshikti tilshisi.
Rımde Iran men AQSh-tyń ıadrolyq baǵdarlama jáne sanktsııalardy joıý jónindegi kelissóziniń besinshi raýndy aıaqtaldy. Kezdesý, aldyńǵy raýndtar sııaqty Omannyń deldaldyǵymen ótti jáne qatysýshylardyń aıtýynsha, tynysh jáne kásibı jaǵdaıda ótti. Alaıda túpkilikti kelisimge qol jetkizilgen joq.
Iran Syrtqy ister mınıstri Abbas Arakchı men AQSh prezıdentiniń Taıaý Shyǵys boıynsha arnaıy elshisi Stıv Ýıtkoff qatysqan kelissóz Oman Syrtqy ister mınıstri Saıd Badr ál-Býsaıdıdiń qatysýymen jabyq formatta ótti.
Iran SІM baspasóz hatshysy Ismaıl Bagaıdiń málimdeýinshe, besinshi raýnd kásibı, sabyrly jáne ońtaıly jaǵdaıda ótti. Ol tolyq aqparat keıinirek beriletinin qosyp aıtty.
Iran delegatsııasynyń quramynda sondaı-aq Syrtqy ister mınıstriniń saıası máseleler jónindegi orynbasary Madjıd Taht-Ravanchı, mınıstrdiń halyqaralyq jáne quqyqtyq ister jónindegi orynbasary Kazem Garıbabadı jáne basqa da dıplomattar men sarapshylar boldy.
Set to travel to Rome for 5th round of indirect talks with the United States.
— Seyed Abbas Araghchi (@araghchi) May 22, 2025
Figuring out the path to a deal is not rocket science:
Zero nuclear weapons = we DO have a deal.
Zero enrichment = we do NOT have a deal.
Time to decide...
Rımge keter aldynda Arakchı X áleýmettik jelisinde kelissózdiń negizgi tezısin jarııalady:
- Mámilege aparatyn jol – joǵary matematıka emes: ıAdrolyq qarý joq = bizde mámile BAR. Nóldik baıytý = bizde mámile JOQ. Sheshim qabyldaý ýaqyty keldi.
The fifth round of Iran US talks have concluded today in Rome with some but not conclusive progress. We hope to clarify the remaining issues in the coming days, to allow us to proceed towards the common goal of reaching a sustainable and honourable agreement.
— Badr Albusaidi - بدر البوسعيدي (@badralbusaidi) May 23, 2025
Kelissóz qorytyndysy boıynsha Oman Syrtqy ister mınıstri Saıd Badr ál-Býsaıdı besinshi raýndtyń belgili bir ilgerileýshilikpen aıaqtalǵanyn, biraq túpkilikti ilgerileý emes ekenin málimdedi.
- Búgin Rımde Iran men AQSh arasyndaǵy kelissózdiń besinshi raýndy birshama, biraq naqty emes ilgerileýmen aıaqtaldy. Turaqty jáne laıyqty kelisimge qol jetkizý úshin aldaǵy kúnderi qalǵan máselelerdi naqtylaımyz dep úmittenemiz, - dep jazdy mınıstr H áleýmettik jelisinde.
Eske sala ketsek, ótken aptada AQSh prezıdenti Donald Tramp AQSh-tyń Iranmen ıadrolyq kelisimge «óte jaqyn» ekenin jáne Tegeran onyń sharttarymen keliskenin aıtty.