AQSh pen Iran juma kúni Ystanbulda kelissóz ótkizýi múmkin
ASTANA.KAZINFORM — AQSh pen Iran juma kúni Ystanbulda elder arasyndaǵy shıelenistiń artýyna baılanysty dıplomatııalyq kelissózder ótkizýi múmkin, dep habarlaıdy Kazinform agenttiginiń menshikti tilshisi.
NBC News Taıaý Shyǵystaǵy tórt dıplomatııalyq derekkózge jáne bir AQSh sheneýnigine silteme jasaı otyryp, delegatsııalar quramynda Aq úıdiń arnaıy ókili Stıv Ýıtkoff pen Irannyń syrtqy ister mınıstri Abbas Aragchı bolatynyn habarlaıdy.
Iran AQSh-pen kelissózder júrgizýge daıyn jáne eger onyń maqsaty ıadrolyq qarýdyń damýyna jol bermeý bolsa, kelisimge kelýge úmittenedi.
Talqylaýdyń negizgi taqyryby Irannyń ıadrolyq jáne zymyran baǵdarlamasyna arnalmaqshy.
Taraptar juma kúni Ystanbulda kezdesý uıymdastyrý úshin jumys istep jatyr, biraq áli naqtylanǵan joq.
Kelissózder Qatar men Mysyrdyń qoldaýymen Túrkııanyń deldaldyǵymen júrgiziledi. Keıbir Taıaý Shyǵys dıplomattarynyń aıtýynsha, Saýd Arabııasy, Qatar, Birikken Arab Ámirlikteri, Mysyr, Pákistan jáne Oman syrtqy ister mınıstrleri kelissózderge qatysýy múmkin.
Buǵan deıin Iran AQSh-tyń soqqysy óńirlik soǵys qaýpine alyp kelýi múmkin ekenin eskertken bolatyn.