AQSh pen Iran kelissózderi nelikten nátıjesiz aıaqtaldy – áskerı sarapshy pikiri
ASTANA. KAZINFORM – Kelissózderdiń eshqandaı jemis bermeýine birneshe sebep bar. Bul jóninde jýrnalıst, áskerı sarapshy Amangeldi Qurmetuly BIZDIÑ ORTA podkastynda aıtty.
Onyń sózinshe, buǵan deıingi kelisimder barysynda AQSh sózden taıqyp, soqqy jasaǵan kezder boldy.
– Iran Syrtqy ister mınıstri Arakchıdiń ózi: «Biz dıplomatııalyq kelissózder barysynda soqqy jedik. Sondyqtan Amerıkaǵa eshqashan senbeımiz», - degen ustanymyn birneshe ret málimdegen, – dedi ol.
Ekinshiden, eń basty faktor – ıadrolyq qarý jasaý yqtımaldyǵy, ýrandy baıytý máselesi.
– Iran ıadrolyq baǵdarlamadan bas tartatynyn baıqatpaı otyr. Al Amerıkanyń talaby da – osy, ıaǵnı Iran ıadrolyq baǵdarlamadan bas tartýy tıis. Ne bolmasa, AQSh Iranda jasyrylyp jatqan 400 keli shamasyndaǵy baıytylǵan ýrandy alyp ketetin bolsa, soǵys aıaq astynan toqtaýy da ǵajap emes. Ázirge ol Amerıkanyń qolyna túspegen sııaqty. Sondyqtan kópshilik bul kelisimder nátıjesiz bolady dep boljady. Rasynda da, solaı boldy, – deıdi sarapshy.
Aıta keteıik, buǵan deıin Iran AQSh pen Izraıl shabýyldarynan kelgen shyǵyndy $270 mlrd dep baǵalaǵanyn jazǵanbyz.
