AQSh pen Iran kelissózderi kelesi aptada Pákistanda qaıta jalǵasýy múmkin
ASTANA. KAZINFORM – Vashıngton men Tegeran arasyndaǵy kelissózderdiń jańa kezeńi kelesi aptada Islamabad qalasynda ótýi múmkin. Bul týraly The Wall Street Journal gazeti habarlady.
Basylym málimetinshe, AQSh pen Iran deldaldarmen birge ózara túsinistik týraly memorandým ázirleýmen aınalysyp jatyr. Qujatta soǵysty toqtatý jónindegi bir aılyq kelissózderdi júrgizý sharttary aıqyndalady.
Gazettiń jazýynsha, kelissózder kelesi aptada-aq Islamabadta qaıta bastalýy múmkin. Eger taraptar belgili bir ilgerileýge qol jetkizse, bastapqy bir aılyq merzim ózara kelisim boıynsha uzartylýy yqtımal.
Juma kúni Al Arabiya telearnasy dıplomatııalyq derekkózge silteme jasap, Pákistannyń araǵaıyndyǵymen ótip jatqan konsýltatsııalarǵa qatysýshylar «soǵysty toqtatý, Ormýz buǵazyn ashý jáne AQSh-tyń ıslam respýblıkasyna qarsy blokadasyn jeńildetý jónindegi ózara túsinistik týraly memorandýmǵa» nazar aýdaryp otyrǵanyn habarlady.
Sonymen birge, Al Arabiya derekkózi «kelissóz protsesi kúrdeli júrip jatqanyn jáne kedergiler áli de saqtalyp otyrǵanyn» atap ótti.
Aıta keteıik, jýyrda Donald Tramp Iran men AQSh «jaqsy kelissózder júrgizdi» dep málimdedi.
