AQSh pen Iran bitiminen keıin Lıvanda qaza tapqandar sany 250-den asty
ASTANA. KAZINFORM — AQSh pen Iran atysty eki aptaǵa toqtatý kelisimine qol jetkizilgennen beri Izraıldiń soqqylarynan Lıvanda 254 adam qaza taýyp, 1165 adam jaralandy, dep habarlaıdy Report.
Buǵan deıin 112 adamnyń qaza taýyp, 837 adamnyń jaralanǵany týraly aqparat bolǵan.
Densaýlyq saqtaý mınıstri Rakan Nasreddın Izraıldiń el aýmaǵy boıynsha «100-den astam áýe soqqysyn» jasaǵannan keıin Lıvan «qaýipti shıeleniske» tap bolǵanyn málimdedi.
— Jedel járdem kólikteri zardap shekkenderdi aýrýhanalarǵa jetkizip jatyr. Biz halyqaralyq uıymdardy Lıvannyń densaýlyq saqtaý sektoryna kómek kórsetýge shaqyramyz, — dedi Rakan Nasreddın.
Eske sala keteıik, 2026 jylǵy 8 sáýirge qaraǵan túni Iran, AQSh jáne olardyń odaqtastary eki aptaǵa atysty toqtatý týraly kelisimge kelgen. Iran óz tarapynan osy kezeńde Ormýz buǵazy arqyly qaýipsiz ótýdi qamtamasyz etetinin, bul Iran qarýly kúshterimen úılestirilip, tehnıkalyq shekteýler eskeriletinin málimdedi.
Al Izraıl qoldanystaǵy bitim sheshimi Lıvanǵa qatysty emes ekenin alǵa tartyp, bul elge soqqylar jasaǵan. Keıinirek Iran parlamentiniń spıkeri Mohammad-Bager Galıbaf Lıvanda atysty toqtatý jospardyń alǵashqy sharty bolǵanyn aıtty.
Aıta keteıik, Taıaý Shyǵystaǵy soǵys kezinde naýryz aıynyń basynan beri Lıvannan Sırııa Arab Respýblıkasyna 200 myńnan astam adam ótken.
