AQSh pen Iran arasyndaǵy jaǵdaı munaı baǵasyna áser etti
ALMATY. KAZINFORM — Dúısenbi kúni tańerteń álemdik munaı baǵasy tómendedi.
Dúısenbi tańerteńgi saýda-sattyq derekterine sáıkes, Brent markaly munaıdyń fıýchersteri 0,57%-ǵa arzandap, barreline 97,76 dollar boldy.
WTI markaly munaıdyń baǵasy 0,11%-ǵa tómendep, barreline 90,73 dollarǵa deıin tústi.
Al reseılik Urals markaly munaıdyń quny barreline 76,85 dollarǵa jetti. Onyń baǵasy 10%-ǵa tómendedi.
Munaı baǵasynyń arzandaýyna áser etken faktorlardyń biri — AQSh prezıdenti Donald Tramptyń Vashıngton men Tegeran arasyndaǵy qaqtyǵysty toqtatý jónindegi konsýltatsııalarda aıtarlyqtaı oń nátıje bar ekeni týraly málimdemesi.
Qatar AQSh pen Iran arasyndaǵy janama kelissózderde negizgi deldaldardyń biri sanalady. 6 qarashada Qatar ámiri sheıh Tamım ben Hamad Ál Tanı AQSh prezıdenti Donald Tramppen Taıaý Shyǵystaǵy shıelenisti báseńdetýge baǵyttalǵan dıplomatııalyq kúsh-jigerdi talqylady.
Sonymen qatar jeksenbi kúni hýsıtter Er-Rııadtaǵy Saudi Aramco kompanııasynyń keńselerine shabýyl jasaǵanyn málimdedi.
Shabýyl qaýpine baılanysty Er-Rııadta, Nadjran óńirinde, sondaı-aq Shyǵys provıntsııasyndaǵy Dammam, Ál-Ahsa jáne Býkaık qalalarynda erte eskertý júıeleri iske qosyldy. Keıin bılik ókilderi qaýiptiń seıilgenin habarlady.
