AQSh pen Iran arasyndaǵy shıelenistiń saldary qaýipti bolady – Qatar SІM
ASTANA.KAZINFORM - Doha Vashıngton men Tegeran arasyndaǵy shıelenistiń saldary kúrdeli bolatynyn eskertti. Qatar aımaqtyq jaǵdaıdy turaqtandyrýǵa jáne AQSh pen Iran arasyndaǵy kelispeýshilikterdi sheshýge qatysyp jatyr, dep habarlaıdy Kazinform menshikti tilshisi.
Brıfıng barysynda Qatar Syrtqy ister mınıstrliginiń baspasóz hatshysy Madjed ál-Ansarı Qatar Irandaǵy Vashıngton men Tegeran arasyndaǵy shıelenistiń artýyna baılanysty máseleni sheshýge deldal bolýǵa tyrysyp jatqanyn málimdedi.
- Qazirgi shıelenis aımaqtaǵy qaqtyǵystyń ýshyǵýyna ákeledi degen boljam bar. Qatar shıelenisti azaıtý sharalaryn qabyldap jatyr. Biz kez kelgen shıelenistiń aımaq úshin jáne odan tys jerler úshin apatty saldary bolatynyn bilemiz. Sondyqtan biz budan aýlaq bolǵymyz keledi, - dep keltiredi Al Jazeera Qatar Syrtqy ister mınıstrligi ókiliniń sózin.
Onyń aıtýynsha, dıplomatııa aımaqtyq daǵdarysty sheshýdiń eń tıimdi joly bolyp qala beredi. Qatar osy maqsatqa jetý úshin seriktesterimen jáne kórshiles eldermen birlesip jumys istep jatyr.
Buǵan deıin Trampqa Iranǵa qatysty áskerı jáne ózge de áreket tásilderi tanystyrylǵany habarlandy.
AQSh prezıdenti Donald Trampqa Iranǵa qatysty áreket etýdiń ártúrli stsenarııleri usynylǵan.
CBS News telearnasynyń eki amerıkalyq sheneýnikke silteme jasap habarlaýynsha, bul nusqalardyń qatarynda tek áskerı amaldar ǵana emes, kıberkeńistiktegi operatsııalar men psıhologııalyq yqpal etý tásilderi de bar. Pentagon Aq úı basshysyna dástúrli áýe soqqylarymen shektelmeıtin, aýqymy keń quraldar jıyntyǵyn tanystyrǵan.
Iran narazylyq kezinde shamamen 2000 adam qaza tapqanyn moıyndady.
