AQSh pen Iran arasyndaǵy kelissózder jańa kezeńge ótti
ASTANA. KAZINFORM — Donald Tramp Vashıngton men Tegerannyń kún saıyn kelisimge jaqyndap kele jatqanyn málimdedi, dep habarlaıdy TASS.
AQSh prezıdenti Donald Tramp kelisim jobasy daıyn ekenin jáne taraptardyń oǵan qol qoıýǵa «áldeqaıda jaqyndaı túskenin» rastady.
CBS News telearnasyna bergen suhbatynda Tramp kelisim mátini ázirlengenin jáne kelissózderde ilgerileý bar ekenin aıtty.
Alaıda ol telearna derekkózderine silteme jasap taratqan, kelisim sharttarynda Ormýz buǵazyn ashý, shetel bankterindegi Iran aktıvterin buǵattan shyǵarý jáne kelissózderdi taǵy 30 kúnge uzartý qarastyrylǵany týraly aqparatty rastaýdan bas tartty.
Tramp bul suraqqa jaýap retinde tek qujat mátini «kún saıyn jaqsaryp kele jatqanyn» aıtty.
Buǵan deıin Tegeran soǵysty toqtatý jáne ıadrolyq baǵdarlamaǵa qatysty kelissózder aıasyndaǵy AQSh-tyń negizgi talaptarynyń birine qatysty ustanymyn qatańdatqany habarlanǵan bolatyn.
Aıta ketelik Iran Tramptyń qoqan-loqysyna qaramastan AQSh-pen kelissózdi jalǵastyratynyn málimdegen edi.
