AQSh pen Iran arasyndaǵy kelissózder Shveıtsarııada ótip jatyr — BAQ
ASTANA. KAZINFORM — Iran delegatsııasy Shveıtsarııada AQSh-pen kelissóz júrgizip jatyr. Bul týraly reseılik TASS habarlady.
Axios málimetinshe, Iran delegatsııasy konsýltatsııa ótetin jerden ketken joq jáne kelissózder áli júrip jatyr. Bul týraly amerıkalyq Axios portaly men Izraıldiń 12-arnasynyń tilshisi Barak Ravid dıplomatııalyq derekkózge silteme jasap, H áleýmettik jelisinde jazdy.
-Shveıtsarııadaǵy kelissózderge qatysyp otyrǵan dıplomattyń aıtýynsha, Iran delegatsııasy ketpegen jáne AQSh pen Iran arasyndaǵy kelissózder jalǵasyp jatyr, — dep jazdy ol.
Buǵan deıin Al Alam telearnasy Iran ókilderi amerıkalyq-ırandyq memorandým boıynsha kelissózderden shyǵyp ketti dep habarlaǵan edi.
Aqparatqa sáıkes, buǵan AQSh prezıdenti Donald Tramptyń ıslam respýblıkasyna qarsy qaıta soqqylar jasalýy múmkin degen málimdemesi sebep bolǵan.
Aıta keteıik, buǵan deıin AQSh pen Iran arasyndaǵy tikeleı kelissózder 21 maýsym, jeksenbi kúni Shveıtsarııada bastalatyny habarlanǵan edi.
Bul kelissózder Iran áskerı kúshteriniń Izraıldiń Lıvannyń ońtústigine jasaǵan shabýyldaryna baılanysty Ormýz buǵazyn jabý múmkindigine baılanysty málimdemeler aıasynda ótip jatyr.
