AQSh pen Iran arasyndaǵy kelissózder munaı naryǵyna qalaı áser etti
ALMATY. KAZINFORM — AQSh pen Iran arasyndaǵy Shveıtsarııada ótken kelissózderden keıin álemdik munaı naryǵynda baǵa tómendedi.
22 maýsym tańerteńgi jaǵdaı boıynsha Brent markaly munaı 1,53 dollar (1,90%) arzandap, bir barreli 79,04 dollar boldy.
Al amerıkalyq WTI markaly munaıdyń shilde aıyndaǵy fıýchersteri 76,53 dollarǵa deıin tómendedi. Bul aldyńǵy kórsetkishten 7 tsent az. Tamyz aıyndaǵy fıýcherstik kelisimshart ta 55 tsent arzandap, bir barreli 75,30 dollar boldy.
Sonymen qatar reseılik Urals markaly munaıdyń bir barreli 66,58 dollardan satylyp jatyr.
Eske salaıyq, AQSh pen Iran arasyndaǵy tikeleı kelissózder 21 maýsymda Shveıtsarııada ótti.
Kezdesý Iran tarapy Izraıldiń Lıvannyń ońtústigine jasaǵan shabýyldaryna baılanysty Ormýz buǵazyn jabatynyn málimdegenine qaramastan uıymdastyryldy.
Alaıda keıin Iran delegatsııasy AQSh prezıdenti Donald Tramp qoqan-loqqy sıpatyndaǵy málimdemeleri úshin resmı keshirim suramaıynsha, Vashıngtonmen kelissózderdi qaıta jalǵastyrmaıtynyn habarlady.
