AQSh pen Iran arasyndaǵy kelisim bir táýlik ishinde rásimdelýi múmkin
ASTANA. KAZINFORM – AQSh pen Iran arasyndaǵy kelisim bir táýlik ishinde túpkilikti rásimdelýi múmkin. Bul týraly Pákistannyń premer-mınıstri málimdedi, dep habarlaıdy TASS.
Buǵan deıin Irannyń Syrtqy ister mınıstri Abbas Arakchı AQSh-pen ózara túsinistik týraly memorandýmǵa jaqyn kúnderi tsıfrlyq formatta qol qoıylýy múmkin ekenin málimdegen bolatyn.
Irannyń syrtqy saıası vedomstvosynyń basshysy sondaı-aq 60 paıyzǵa deıin baıytylǵan ýran máselesine toqtaldy. Onyń aıtýynsha, Tegeran bul máseleni retteýdiń jalǵyz joly retinde atalǵan ýrandy Iran aýmaǵynda suıyltýdy qarastyrady.
Sonymen qatar, Arakchıdiń sózinshe, memorandým jobasynda Ormýz buǵazy men AQSh engizgen teńiz blokadasyn alyp tastaýǵa qatysty erejeler de qamtylǵan.
Sondaı-aq Arakchı yqtımal kelisim aıasynda Irannyń buǵattalǵan aktıvterine qol jetkizý tetigi qarastyrylǵanyn aıtty.
Beısenbi kúni keshke AQSh prezıdenti Donald Tramp buǵan deıin ózi jarııalaǵan Iranǵa soqqy jasaý josparyn toqtatyp, Tegeranmen mámile jasaýǵa jaqyn qalǵanyn málimdedi. Osydan keıin birden birneshe buqaralyq aqparat quraly eki el arasyndaǵy bolashaq «ózara túsinistik týraly memorandýmnyń» jańa egjeı-tegjeıin jarııalady.
