AQSh pen Germanııanyń kompanııalary Qazaqstan áýejaılarymen áriptestik ornatýy múmkin

ASTANA. KAZINFORM – Kólik mınıstri Nurlan Saýranbaev Úkimet otyrysynda Qazaqstan aspanyn áýemen júk tasymaldaý dálizine aınaldyrý úshin ne istelip jatqanyn baıandady.

- Qazaqstan áýejaılaryna áýemen júk tasymaldaýshylardy tartý baǵytynda sheteldik iri kompanııalarmen jumys júrgizilip jatyr. Olar: FedEx (AQSh), UPS (AQSh), Cargolux (Lıýksembýrg), DHL (Germanııa), Lufthansa Cargo (Germanııa), - dedi Nurlan Saýranbaev.

Onyń paıymdaýynsha, salanyń kórsetkishteri oń dınamıka kórsetip, avıajúk óńdeýi ósip jatyr.

- Byltyr júk óńdeý 173 myń tonnaǵa jetti. Bul – osy aımaqtaǵy eń úlken kórsetkish. Jumysty ári qaraı kúsheıtemiz, - dedi mınıstr.

Keshegi Ulttyq quryltaı otyrysynda Memleket basshysy Qasym-Jomart Toqaev V Ulttyq quryltaıda júk tasymaldaıtyn áýe kompanııasyn qurý týraly tapsyrmasy durys oryndalmaı jatqanyn aıtyp, Úkimettiń sheshimin synaǵan.