AQSh pen Eýropalyq Odaq bankter men kompanııalardy Iranmen yntymaqtasýǵa shaqyrdy
ASTANA. QazAqparat - Sheteldik bankter men kompanııalar Iranmen zańdy bıznes júrgizýden bas tartpaýy tıis, delingen Brıýsseldegi kelissózderden keıingi AQSh, EO, Frantsııa, Brıtanııa jáne Germanııa kelissózderi boıynsha otyrys málimdemesinde.
«Eger olar zańdy saqtaǵan jaǵdaıda Halyqaralyq fırmalar nemese qarjy ınstıtýttarynyń Iranmen yntymaqtastyq ornatýyna kedergi keltirmeımiz», - delingen habarlamada.
Iranmen aradaǵy ıadrolyq kelisim talaptary boıynsha Tegerannan buryn AQSh pen EO salǵan barlyq sanktsııalar alynady. Alaıda Vashıngton Irannyń zymyran baǵdarlamasyna jáne onyń Taıaý Shyǵystaǵy qarýly qaqtyǵystarǵa qatysýyna qarsy jańa sanktsııalar engizdi.
AQSh pen EO málimdemesine sáıkes, eýropalyq jáne ózge de halyqaralyq bankter men kompanııalar Iranmen yntymaqtastyqqa qyzyǵýshylyq tanytyp otyr.
Qujatta AQSh pen Eýroodaq Iran ekonomıkasyna ınvestıtsııalar quıý men saýda jasaýdy jeńildetý úshin eksporttyq nesıelerdi paıdalanýdy qarastyryp otyrǵany ataldy.
