AQSh pen Eýropadaǵy beıbit sherýlerdiń tek jaqsy jaǵyn alý kerek – Aleksandr Belıanov

ALMATY. QazAqparat – Biz Eýropa men AQSh-ta ótip jatatyn beıbit sherýlerdiń tek jaqsy jaǵyn alýymyz kerek. Búgin Almatyda ótken talqylaý barysynda qalalyq qoǵamdyq keńes múshesi Aleksandr Belıanov osylaı dedi, dep habarlaıdy QazAqparat tilshisi.

Búgin Almatyda «Qazaqstan Respýblıkasynda beıbit jıyndar, sherý, pıketter, demonstratsııalyq jınalystardy ótkizý men uıymdastyrý tártibi týraly» jańa zań jobasy talqylandy.

«Bizdiń qoǵam damyp keledi. Bizde de mıtıngiler ótetin bolady. Biraq barlyǵy halyqaralyq standartqa saı bolýy tıis. Biz halyqaralyq qaýymdastyq aldynda uıatqa qalmaýymyz kerek. Eýropa men AQSh-ta ótip jatqan mıtıngilerdiń eń jaqsy úlgisin alýymyz kerek. Aqıqat aıtysta týady demekshi, búgin sony talqylaý úshin jınaldyq», - deıdi ol.