AQSh pen Eýropada demokratııa deńgeıi tómendep barady - Politico
ASTANA. QazAqparat - Freedom House uıymynyń jyl saıynǵy baıandamasynda jahandyq demokratııanyń deńgeıi 13 jyl boıy tómendep kele jatqany jazylǵan.
Ótken aptada Vashıngtonda jarııalanǵan «2018 jylǵy álemdegi bostandyq» atty baıandamada 1988-2005 jyldarmen salystyrǵanda 2005 -2018 jyldar aralyǵyndaǵy demokratııa deńgeıi 37 paıyzdan 23 paıyzǵa tómendegeni aıtylǵan. Politico basylymynyń jazýynsha, 68 memlekette saıası quqyq pen azamattyq bostandyq álsirep, 50 memlekette kerisinshe jaqsara bastaǵan.
Avtordyń aıtýynsha, Eýropa men AQShtaǵy demokratııa deńgeıi tómendep ketken.
«Baıandamada Eýropa men AQSh-ta ekonomıkalyq teńsizdik artyp, ol adamnyń jeke statýsyna keri áser etip jatqany aıtylǵan. Bul demokratııalyq ınstıtýttardyń álsireýiniń negizgi sebebi bolsa kerek», dep jazady basylym.
