AQSh pen Eýroodaq Iranǵa qarsy sanktsııalardy alatynyn jarııalady
ASTANA. QazAqparat - AQSh ıadrolyq baǵdarlamasy úshin salynǵan Iranǵa qarsy sanktsııalaryn alady. Bul týraly Associated Press habarlaǵandaı, AQSh memhatshysy Djon Kerrı málimdedi.
Kerrı muny MAGATE Tegerannyń ıadrolyq kelisim boıynsha barlyq talaptardy oryndaǵanyn rastaǵan soń aıtty.
Senbi, 16 qańtarda AQSh prezıdenti Barak Obama Iranǵa salynǵan sanktsııalardy alý jónindegi jarlyq shyǵardy, dep habarlady Lenta.rý.
Eýropalyq dıplomatııanyń basshysy Federıka Mogerını de osyndaı málimdeme jasady. Onyń sózine qaraǵanda, ıadrolyq salasyndaǵy qyzmetine baılanysty salynǵan sanktsııalar joıyldy, dep jazdy Reuters.
MAGATE basshysy ıÝkııa Amano senbi kúni Iran Birlesken barlyǵyn qamtıtyn is-qımyl josparyn júzege asyrýǵa kóshýdiń qajetti ázirlik qadamyn aıaqtaǵanyn qýattaıtyn baıandama oqydy. Qujat BUU-nyń Qaýipsizdik Keńesi men MAGATE basqarý keńesiniń qaraýyna usynyldy.
MAGATE basshysy atap ótkendeı, agenttik ınspektorlary Iran is-qımyl josparyna sáıkes barlyq sharalardy júzege asyrǵanyn rastady. Ol sondaı-aq Tegeran MAGATE kepildikteri týraly kelisimge qosymsha hattamany qoldanýdy bastaıdy, al bul óz kezende Islam Respýblıkasynyń basqa mindettemelerimen birge MAGATE-niń Irannyń ıadrolyq saladaǵy qyzmetine baqylpaý múmkindigin kúsheıte túsetinin aıtty.
2015 jylǵy shildeniń ortasynda Iran jáne halyqaralyq deldaldardyń «altylyǵy» (AQSh, Reseı, Qytaı, Ulybrıtanııa, Frantsııa, Germanııa) Tegerannyń ıadrolyq baǵdarlamasy boıynsha ýaǵdalastyqqa qol jetkizdi. Islam Respýblıkasy Fordodaǵy zaýytty tehnologııalyq ortalyqqa aınaldyrýǵa al Arakedegi reaktordy halyqaralyq konsortsıým jobasyna sáıkes qaıta qurýǵa mindettendi, onda paıdalanylǵan otyn el sheginen tysqary shyǵarylady.
Tegeran sondaı-aq ýrandy 3,67 paıyzdan joǵary baıytpaýǵa jáne 15 jyl merzimge ýran kólemin 300 keliden shekteýge mindettendi. Iran osy mindetterin oryndaǵan jaǵdaıda odan sanktsııalar alynyp tastalady.
Halyqaralyq qoǵamdastyq Irannyń baıytylǵan ýrandy soǵys maqsattaryna paıdalaný áleýetti múmkindigine alańdaǵan bolatyn.
