AQSh pen EO Belarýs bıliginiń Mınskidegi EQYU-nyń keńsesin jabý týraly sheshimin synǵa aldy
ASTANA. 5 qańtar. QazAqparat - Amerıka Qurama Shtattary men Eýropa odaǵy Belorýs bıliginiń Eýropadaǵy qaýipsizdik jáne yntymaqtastyq uıymynyń keńsesin jabý týraly sheshimin qoldamaıdy, dep habarlaıdy RBK, Associated Press-ke silteme jasaı otyryp.
Belarýs bıliginiń bul áreketin Eýroodaqtyń syrtqy ister jáne qaýipsizdik saıasaty jónindegi joǵarǵy ókili Ketrın Eshton men AQSh-tyń Memlekettik hatshysy Hılları Klınton synǵa aldy. Olar sondaı-aq, Belarýs bıliginiń 2010 jyldyń 19 jeltoqsanyndaǵy Memleket basshysyn saılaýdan soń tutqyndalǵan oppozıtsııalyq úmitkerlerdi bosatýlaryn surady.
2010 jyldyń 31 jeltoqsanynda Belorýs Syrtqy ister mınıstrligi Mınskidegi EQYU keńsesiniń mandatyn uzartpaıtyny jaıly habarlaǵan bolatyn.
Resmı Mınsk EQYU-nyń belorýstyq keńsesiniń is-qımylyn saralaı kele, keńse mandatynyń oryndalǵandyǵyn kórýge bolady dep otyr.
Belorýs Syrtqy ister mınıstrliginde bul jaıly "Latvııa, Estonııa jáne Grýzııa elderiniń tájirıbesine qarasaq, sońǵy jyldary bul memleketterde de belgili bir merzimnen keıin EQYU-nyń ókildikteri jabylǵan. Bul qadam birneshe jyldardan beri EQYU-nyń shtab-páterinde qarastyrylǵan", - dedi.
