AQSh Palestına prezıdenti Mahmud Abbastyń vızasyn joıdy

ASTANA. KAZINFORM – AQSh ákimshiliginiń sheshimi Palestına prezıdenti Mahmýd Abbas pen taǵy 80-ge jýyq palestınalyq sheneýniktiń vızasyn joıdy, dep habarlaıdy Anadolu.

AQSh Memlekettik departamenti Palestına azattyq uıymy (OOP) men Palestına ákimshiliginiń ókilderine berilgen vızalardy joıý týraly sheshim qabyldady. Olar qyrkúıekte Nıý-Iorkte ótetin BUU Bas Assambleıasynyń 80-sessııasyna qatysýǵa tıis bolatyn.

Memlekettik departament Palestına ákimshiligin «terrorızmdi aıyptaı almady, zorlyq-zombylyqqa arandatty jáne Izraılge qarsy halyqaralyq sottarda “quqyqtyq soǵys” júrgizdi» dep aıyptady.

Sonymen qatar Frantsııa, Ulybrıtanııa, Kanada jáne Avstralııa aldaǵy Bas Assambleıada Palestına memleketin resmı túrde moıyndaý jospary baryn málimdedi.

Buǵan deıin BUU Bas Assambleıasy aldynda AQSh palestınalyqtarǵa vıza shekteýin kúsheıtkeni habarlanǵan bolatyn.