AQSh óziniń qarjylyq mindettemelerine defolt jarııalaýy múmkin

Álemdegi alpaýyt eldiń búgingi hal-ahýaly barsha ınvestorlardy nege mazalap otyrǵanyn túsindirip jatýdyń ózi artyq. Vashıngtonnyń kez kelgen jańalyǵyn, sonymen birge el prezıdenti Barak Obamanyń aýzynan shyqqan árbir sózdi búkil álem muqııat baǵyp otyrǵany, mine sondyqtan. AQSh kongresi 2 tamyzǵa deıin memlekettik qaryzdyń shegin arttyrý máselesi boıynsha Aq úımen mindetti túrde til tabysýy tıis (qazirdiń ózinde ol 14,3 trıllıon dollarǵa jetti), olaı bolmaǵan jaǵdaıda qaryzdyq mindettemeler boıynsha Qurama Shtattardyń tehnıkalyq defoltqa ushyraǵany jarııalanady.

Amerıkalyq defolt Jańa álem sheginde bógelip qalmaq emes, tizbekti reaktsııa álemniń basqa aımaqtaryna tarap, qarjy naryqtary naǵyz «zilzalany» bastan ótkeredi. Kez kelgen jınaq túbegeıli táýekel jasaýǵa májbúr, al kredıt berý tolyǵymen toqtatylady.