AQSh óziniń azamattaryn Iemennen ketýge shaqyryp otyr
ASTANA. 6 tamyz. QazAqparat - AQSh memlekettik departamenti lańkestik shabýyldyń joǵary qaýpine baılanysty Iemendegi elshilik qyzmetkerlerin kóshirý jóninde buıryq berdi.
VVS-diń jazýynsha, AQSh sonymen qatar óz azamattaryn Iemennen jedel túrde ketýge shaqyrdy. Jeksenbi kúni AQSh-tyń Taıaý Shyǵys pen Soltústik Afrıkadaǵy kóptegen elderinde, sonyń ishinde Iemende dıplomatııalyq jáne konsýldyq mekemeleri jabyldy.
Bul sharalar AQSh-tyń arnaıy qyzmeti «Ál-Kaıda» kóshbasshysy Aıman Zavahırı men Iemendegi uıym basshysy Naser Výhaıshıdiń arasyndaǵy hat almasýdyń mán-jaıyn bilip alǵannan keıin jasalyp otyr.
