AQSh: Ózbek azamaty sotta IM-ge qoldaý kórsetkenin moıyndady
ASTANA. QazAqparat - AQSh-ta Nıý-Iork turǵyny bolyp tabylatyn ózbek azamaty Irak jáne Sırııadaǵy «Islam memleketi» ekstremıstik tobyna materıaldyq kómek kórsetpek bolǵanyn moıyndady.
Prokýratýra ókilderiniń aıtýynsha, 25 jastaǵy Ábdirasýl Hasanuly Djýraboev 15 jylǵa bas bostandyǵynan aıyrý jazasyna kesilýi múmkin.
2014 jyldyń tamyz aıynda ol ǵalamtorda eger «Islam memleketinen» tıisti buıryq alsa, AQSh prezıdenti Barak Obamaǵa qastyq áreket jasaýǵa nemese Konı Aılend aralyndaǵy shıpajaılyq aımaǵynda jarylys jasaýǵa daıyn ekeni týraly habarlama jarııalaǵan.
Djýraboev aǵymdaǵy jyldyń aqpan aıynda Brýklındegi úıinde ustaldy. Sol ýaqytqa deıin ol Túrkııaǵa naýryz aıynda ushý bıletin satyp alǵan - tergeýdiń shamalaýynsha, Djýraboev odan Sırııaǵa jetip, jıhadshylardyń qataryna kirgisi keldi, dep habarlaıdy Bı-bı-sı.
Djýraboevpen birge lańkestikke qatysy bar dep kúdikke alynyp otyrǵan taǵy tórt adam qamaýǵa alyndy. Qalǵan ustalǵandar sotta óz kinásin moıyndaǵan joq.
