AQSh óz eliniń azamattarynyń QHDR-dan ketýin talap etti
ASTANA. QazAqparat - AQSh-tyń Memlekettik departamenti óz eliniń KHDR-da júrgen barlyq azamattarynan 2017 jyldyń 1 qyrkúıegine deıin ol elden ketýin talap etti, dep jazady Gazeta.ru.
«Osy ýaqytta AQSh pasportymen Soltústik Koreıada júrgen azamattardyń barlyǵy 2017 jyldyń 1 qyrkúıegine deıin, ıaǵnı jol júrý múmkindigine shekteý qoıylatyn talap kúshine engenge deıin ol elden ketýleri kerek»,-delingen vedomstvonyń habarlamasynda.
Memlekettik departament ókilderi AQSh pasporttarynyń endi KHDR-ǵa barý úshin nemese ol elden ótý úshin qoldanylmaıtyndyǵyn eskertti. Bul tyıym bir jylǵa sozylady jáne bul merzim bolashaqta ulǵaıtylýy da múmkin.
Habarlamada jýrnalıster men gýmanıtarlyq uıym ókilderi úshin jáne AQSh-tyń «ulttyq qaýipsizdigimen baılanysty» oqıǵalar kezinde qoldanylmaıtyndyǵy aıtylǵan.
Osyǵan deıin buqaralyq aqparat quraldarynda AQSh-tyń óz azamattaryna Soltústik Koreıaǵa barýǵy tyıym salatyndyǵy týraly aıtylǵan bolatyn.
