AQSh Ortalyq barlaý basqarmasy 13 mln bettik qupııa qujattardy jarııa etti
ASTANA. QazAqparat - AQSh-tyń Ortalyq barlaý basqarmasy (OBB) 1995 jyly prezıdent Bıll Klıntonnyń jarlyǵymen qupııalylyǵyn joǵaltqan 13 mln betti quraıtyn 775 myń qujatty ınternetke ornalastyrdy, dep habarlaıdy QazAqparat.
Muraǵatta sýyq soǵys, vetnamdyq jáne koreılik shıelenister kezindegi OBB-nyń qyzmeti týraly málimetter qamtylǵan. Sondaı-aq bazadan ushatyn beımálim nysandar jáne adamnyń telepatııalyq múmkindikteri týraly zertteý nátıjelerin kórýge bolady, dep jazady VVS Orys qyzmeti.
Olardyń arasynda prezıdentter Rıchard Nıkson men Djerald Fordtiń tusynda AQSh-tyń memhatshysy bolǵan Genrı Kıssındjerdiń qujattary, sonymen qatar, birneshe myńdaǵan betti quraıtyn barlaý aqparattary men ǵylymı zertteýler men jobalardyń analızderi bar.
«Juldyz qaqpasy» atty joba da qyzyǵýshylyq týǵyzýda. Joba aıasynda kóripkelderdiń múmkindikterine zertteý jumystary júrgizilgen.
Tájirıbege qatysqandardyń biri ızraıldik sıqyrshy Ýrı Geller boldy. Onyń qabiletteri 1973 jyly zerdelendi. Ol kezde Gellerdiń ataǵy álemge áıgili edi.
Bastapqyda Ortalyq barlaý basqarmasy barlyq qujattardy onlaında jarııa etý úshin 28 jyl qajet bolatynyn habarlaǵan bolatyn. 2015 jyly bul ýaqytty alty jylǵa qysqartty.
