AQSh Ortalyq Afrıka Respýblıkasyndaǵy ahýaldy retteýde Frantsııaǵa kómektesýge daıyn
ASTANA. 10 jeltoqsan. QazAqparat - AQSh Prezıdenti Barak Obama Ortalyqafrıkalyq respýblıkanyń turǵyndary men bıligin eldegi jaǵdaıdy tártipke keltirýge shaqyrdy.
Sonymen qatar Obama AQSh tarapy bul afrıkalyq eldegi Frantsııanyń áskerı kúsh-jigerin qoldaýǵa daıyn ekendigin málimdedi.
Aıta keteıik, budan buryn frantsýzdyq bılik Ortalyqafrıkalyq respýblıkadaǵy ahýaldy retteý úshin áskerı kontıngent jibergen edi. Bılikke tóńkeris nátıjesinde kelgen prezıdent Mıshel Djotodııa eldegi qarýlanǵan toptardy qadaǵalaýǵa múmkindigi joq ekenin moıyndaǵan bolatyn.
