AQSh Ortalyq Azııa elderine kıberqaýipsizdikti damytýǵa 5 mıllıon dollar bóldi
ASTANA. KAZINFORM- AQSh Ortalyq Azııa elderiniń kıberqaýipsizdigi men tsıfrlyq sektoryn qoldaýǵa 5 mıllıon dollar kóleminde sheteldik kómek bóldi. Bul týraly AQSh Memlekettik departamentiniń Ońtústik jáne Ortalyq Azııa isteri jónindegi ýaqytsha kómekshi orynbasary Mark Kemeron málimdedi.
Qarajat CRDF Global azamattyq zertteýler men damý qory arqyly bólinedi.
- Biz CRDF Global arqyly Ortalyq Azııanyń kıberqaýipsizdigi men tsıfrlyq sektoryn qoldaýǵa 5 mıllıon dollar kóleminde sheteldik kómek bóldik. Biz kıbergıgıena deńgeıin arttyrýǵa, kıberıntsıdentterge den qoıý júıesin jetildirýge, asa mańyzdy ınfraqurylymdy qorǵaýǵa, qarjy sektorynyń qaýipsizdigin kúsheıtýge jáne kıberqaýipsizdik salasyndaǵy saıasatty damytýǵa járdemdesýdi kózdep otyrmyz. Bul Ortalyq Azııanyń qaýipsiz ári qorǵalǵan tsıfrlyq bolashaǵyn qalyptastyrýǵa baǵyttalǵan keshendi jumys, - dedi ol Astanada ótken C5+1 SI konferentsııasynda.
Kemeronnyń aıtýynsha, aımaq elderindegi startaptar grant túrinde qarjylyq qoldaý ala alady.
- Bul qarajat startaptardy qoldaýǵa jáne jasandy ıntellekt júıelerin damytýǵa arnalǵan. Qarjylandyrý granttar túrinde beriledi, óıtkeni biz bul salada jetekshi róldi dál jeke kompanııalar atqarady dep esepteımiz, - dedi ol.
Aıta keteıik, Úkimet kıberqaýipsizdik erejelerin jańartqan edi.
