AQSh Ormýz buǵazy arqyly rekordtyq kólemde munaı shyǵardy — Tramp
ASTANA. KAZINFORM – AQSh prezıdenti Donald Tramptyń aıtýynsha, amerıkalyq tarap Ormýz buǵazy arqyly rekordtyq kólemde munaı shyǵarǵan. Bul kórsetkish Iranmen qaqtyǵys bastalǵanǵa deıingi deńgeıden de asyp túsken, – dep habarlaıdy Aq úıdiń baspasóz qyzmeti.
— Ótken túni Ormýz buǵazy arqyly rekordtyq kólemde munaı shyǵardyq. Bul soǵysqa deıingi kórsetkishten de joǵary, — dedi Tramp jýrnalısterge.
AQSh prezıdenti qazirgi munaı baǵasy óziniń aldyndaǵy prezıdent Djo Baıdenniń bıligi kezindegiden tómen ekenin aıtty. Onyń sózinshe, qaqtyǵys aıaqtalyp, munaıǵa degen suranys azaıǵannan keıin onyń baǵasy odan ári tómendeýi múmkin.
Tramp keter aldynda jýrnalısterdiń saýaldaryna jaýap bermeı, baspasóz ókilderine qysqasha málimdeme jasaýmen shekteldi. Ol munaı naryǵyndaǵy jaǵdaımen qatar, jumyssyzdyq deńgeıi men AQSh ekonomıkasynyń ahýaly týraly da sóz qozǵady.
Eske sala keteıik, buǵan deıin AQSh prezıdenti Irannyń Ormýz buǵazyn ashý týraly usynysyn qabyldamaǵan edi.
Irannyń syrtqy ister mınıstri Abbas Arakchı Tegerannyń AQSh-pen kelissózge de, jańa qaqtyǵysqa da daıyn ekenin málimdegen edi.
Budan bólek, Tegerannyń Ormýz buǵazyn ashýyna qatysty sharttar da aıtyldy.
