AQSh, Ońtústik Koreıa jáne Japonııa áskerı-teńiz kúshteri alǵash ret birlesken oqýlaryn ótkizedi
ASTANA. QazAqparat - AQSh, Ońtústik Koreıa jáne Japonııanyń Áskerı-teńiz kúshteri jaz aıynda alǵash ret birlesken zymyranǵa qarsy qorǵanys oqýlaryn ótkizedi, dep habarlady TASS.
Jergilikti «Asahı» gazeti habarlaǵandaı, oqýlar Gavaı araldary aýmaǵynda ótedi. Basylymnyń jazýynsha, bul Ońtústik Koreıanyń Azııadaǵy japonııalyq-amerıkalyq zymyranǵa qarsy qorǵanys júıesine qosylýyn bildiredi. Buǵan Qytaı tarapynan narazylyq týýy múmkin.
Gazet aqparatyna súıensek, úshjaqty oqýlar AQSh óz odaqtastarymen únemi Gavaı araldarynda ótkizetin Rimpac kópsalaly áskerı-teńiz manevrleri aıasynda uıymdastyrylady. Bıylǵy oqý maýsym-tamyz aılarynda ótedi.
Mundaı oqýlardy ótkizý týraly kelisimge 19 sáýirde úsh eldiń qorǵanys mınıstrleri orynbasarlarynyń qatysýymen Seýlda ótken keńeste qol jetkizildi.
