AQSh ónimderinde GMO quramy normadan asyp otyr -DSM
«Komıtettiń 5 mamandandyrylǵan zerthanalarymen gendik modıfıkatsııalanǵan ónimdi anyqtaý maqsatynda ónimniń 1 300 úlgisi zertteldi. Tek sońǵy toqsanda gendik modıfıkatsııalanǵan ónimniń artyq kólemi 42 paıyzǵa deıingi mólsherde AQSh taýarlarynan anyqtaldy, bul rette norma 0,9 paıyzdan aspaýy tıis. ıAǵnı, gendik modıfıkatsııalanǵan ónim boıynsha normadan artyq mólsher 24-ten 50 esege deıin baıqaldy», - dedi QR Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy Jandarbek Bekshın Ortalyq kommýnıkatsııalar qyzmetindegi baspasóz máslıhatynda.
Belgili bolǵandaı, GMO-nyń quramyn anyqtaý turǵysynda azyq-túliktiń 1 292 úlgisi zertteldi. Gendik modıfıkatsııalanǵan soıa quramynyń artyq kórsetkishi AQSh-ta óndirilgen azyq-túlik óniminiń tórt ataýynda anyqtaldy. GMO-nyń artyq deńgeıi 11,5 paıyzdan 42,9 paıyzǵa deıin jetken.
Onyń sózine qaraǵanda, ónimderdi tańbalaý kezinde GMO týraly tıisti aqparat bolmaǵan.
Atap aıtqanda, halyqaralyq azyq-túlik standarttaryna sáıkes, taǵam retinde paıdalanylatyn ónimde GMO 0,9 paıyzdan asatyn bolsa, onda ol mindetti túrde tańbalanýy tıis.